Oğlunu ov tüfəngi ilə vuran ata məhkəmədə danışdı

Tekirdağın Kapaklı rayonunun Yunus Emre məhəlləsində yerləşən Yavuz Selim küçəsində qan donduran hadisə baş verib. 55 yaşlı Necdet Şahin ilə 22 yaşlı oğlu Hazat Şahin arasında hələlik məlum olmayan səbəbdən mübahisə yaranıb.

Sonxeber.az türk mediasına istinadən xəbər verir ki, mübahisədən sonra Hazat Şahin evi tərk edib. Bir müddət sonra motosikletlə evin qarşısına gələn gənc, atasının yaşadığı mənzilə tapança ilə atəş açıb. Bu zaman Necdet Şahin evdəki ov tüfəngini götürərək eyvana çıxıb və oğluna atəş açıb.

Güllə yaraları ilə ağır xəsarət alan Hazat Şahin qan içində yerə yıxılıb. Hadisə yerinə çağırılan polis və təcili tibbi yardım briqadası dərhal müdaxilə etsə də, gənc aparıldığı Çerkezköy Dövlət Xəstəxanasında həkimlərin bütün cəhdlərinə baxmayaraq həyatını itirib.

Polis tərəfindən saxlanılan Necdet Şahin, təhlükəsizlik məqsədilə gülləkeçirməz jilet geyindirildikdən sonra geniş təhlükəsizlik tədbirləri altında Çerkezköydə məhkəməyə çıxarılıb. Onun ifadəsində oğluyla mübahisə etdiyini bildirərək belə dediyi öyrənilib: "Evdən ayrıldıqdan sonra bizim evə atəş açdı. Mən də əsəblərimə hakim ola bilmədim, tüfəklə cavab verdim. Çox peşmanam."

Telegramda izləyin