Qan donduran ailə dramı: Güllələdiyi əmisi oğlu kitabçıda can verdi - VİDEO

Türkiyənin Samsun şəhərinin İlkadım rayonunda qan donduran bir hadisə baş verib.

Sonxeber.az türk mediasına istinadən xəbər verir ki, 16 yaşlı Mert T., bacısını evlənmək məqsədilə qaçıran əmisi oğlu 29 yaşlı Gökhan T.-ni küçənin ortasında tapança ilə güllələyib. Gökhan T. sinəsindən və qarın nahiyəsindən ağır yaralanıb. Hadisə zamanı yaxınlıqdakı kafelərdən birində oturan Doğan A. da gülləyə tuş gələrək yaralanıb.

Gökhan T. sinəsindən aldığı güllə yarası ilə yaxınlıqdakı bir kitabçıya sığınıb. Hadisənin anbaan kameraya düşən görüntülərində onun kitabçıya girərək yerə yıxıldığı, içəridə olan bir uşaq və böyüklərin dəhşətə gəldiyi əks olunub.

Dərhal hadisə yerinə polis və təcili tibbi yardım əməkdaşları cəlb olunub. Yaralılar ilkin tibbi müdaxilədən sonra Samsun Tədris və Araşdırma Xəstəxanasına aparılıb. Gökhan T. həkimlərin səylərinə baxmayaraq həyatını itirib.

Hadisədən sonra qaçmağa çalışan 16 yaşlı şübhəli Mert T. yaxınlıqdakı arxa küçədə Asayiş Şöbəsinin təhlükəsizlik qüvvələri tərəfindən saxlanılıb və polis bölməsinə aparılıb. Faktla bağlı araşdırma aparılır.

Telegramda izləyin