Zeytun ağacına dırmaşan 2,5 metrlik ilan görənləri heyrətə gətirdi - VİDEO

Bursanın İznik rayonunun Hisardərə kəndində zeytun ağacına dırmaşan 2,5 metrlik ilan ətrafdakıların diqqətini çəkib.

Sonxeber.az türk mediasına istinadən xəbər verir ki, tarlada işləmək üçün əraziyə gələn insanlar ağacdakı iri ilanı görəndə gözlərinə inanmayıblar.

İnsanı vahiməyə salan bu böyük cüssəli ilan işçilər tərəfindən mobil telefonla görüntülənib. Ağac budaqları arasında hərəkət edən ilan bir müddət sonra gözdən itib.

Bir neçə gün əvvəl isə Bursanın mərkəzində yerləşən bir yaşayış kompleksinin dəmir barmaqlıqları üzərində hərəkət edən 1,5 metrlik başqa bir ilan müşahidə olunmuşdu.

Qorxudan yaxınlaşa bilməyən vətəndaşların çağırışı ilə hadisə yerinə gələn müvafiq qurumlar ilanı tutaraq onu təbii mühitinə buraxmışdılar.

Telegramda izləyin