Ayılar bələdiyyə sədrinin dağ evinə girərək otaqları talan etdilər - VİDEO

Trabzonun Araklı rayonunun yüksək dağlıq ərazilərində ağır qış şəraitindən sonra yuxudan oyanan ayılar yemək axtarmaq məqsədilə Bahçecik yaylasına eniblər.

Sonxeber.az türk mediasına istinadən xəbər verir ki, ayılar Araklı Bələdiyyəsinin sədri Hüseyn Avni Coşkun Çebinin 1800 metr yüksəklikdə yerləşən dağ evinə daxil olublar və vəhşi heyvanlar pəncə və dişləri ilə evin qapısını, pəncərələrini zədələyib, içəridəki əşyaları dağıdaraq ciddi ziyan vurublar. Onlar evə pəncərədən girərək əsasən mətbəxdəki ərzaq və avadanlıqlara zərər yetiriblər.

Hadisə səhər saatlarında baş verib. Evin yerləşdiyi əraziyə çıxan yerli sakinlər dağıntını görərək həmin anları mobil telefonla qeydə alıblar.

Hadisə ilə bağlı Bələdiyyə sədri Coşkun Çebinin qohumu Yalçın Çebi danışıb: "Coşkun bəyin evinə giriblər. Buraları söküb-dağıdıblar. Ayı qardaşlara torpil keçmir. Pəncərədən girib hər yeri viran qoyublar. Amma ayılar da işini bilir, yayda onlara ət atdığım üçün mənim evə yaxın düşmədilər", - deyə o bildirib.

Telegramda izləyin