Lüks avtomobil yanaraq külə döndü - VİDEO

Eyüpsultan rayonunda motor hissəsində başlayan yanğın səbəbindən lüks avtomobil tamamilə yandı. Hadisə zamanı ölən və ya yaralanan olmayıb.

Sonxeber.az türk mediasına istinadən xəbər verir ki, avtomobilin təxminən 20 milyon türk lirəsi (təxminən 18.4 milyon Azərbaycan manatı) dəyərində olduğu bildirilib.

Yanğın saat 13:00 radələrində Eyüpsultan, Hasdal-Kemerburgaz yolu ərazisində baş verib. Məlumata görə, hərəkətdə olan 34 CAA 08 nömrəli lüks avtomobilin mühərrik hissəsində naməlum səbəbdən yanğın başlayıb. Sürücü dumanları görərək avtomobili yol kənarında saxlayıb. Aşağı düşən sürücü yanğını yanğınsöndürən tüpü ilə söndürməyə çalışıb. Bu zaman avtomobildə kiçik partlayış baş verib və qısa müddətdə avtomobil külə çevrilib.

Hadisə yerinə çağırılan yanğınsöndürən və polis nümayəndələri tezliklə hadisə yerinə çatıb, yanğını söndürərək ətrafı soyudublar.

Yanğının alovlandığı anlar gənc bir şəxsin mobil telefon kamerasına düşüb. Görüntülərdə gəncin "Qardaş, yanan avtomobilə bax, şokdayam!" sözləri diqqət çəkib.

Polis hadisə ilə bağlı araşdırma aparır.

Telegramda izləyin