Bağça davası qanla bitdi: qonşusunu öldürüb, intihar etdi

İzmirin Foça rayonunda qonşular arasında bağça sərhədi üstündə mübahisə düşüb.

Sonxeber.az türk mediasına istinadən xəbər verir ki, hadisə ötən gecə İzmirdə, Yeni Foça Mustafa Kamal Atatürk Məhəlləsində baş verib. Belə ki, 75 yaşlı Nihat Əli Fırat ilə 63 yaşlı qonşusu Adnan Güngör arasında bağça sərhədi üstündə mübahisə düşüb. Mübahisə getdikcə davaya çevrilib və 75 yaşlı kişi 63 yaşlı qonşusunu tapança ilə öldürüb, daha sonra isə eyni silahla intihar edib.

Qonşuların silah səsləri eşitdiyini bildirdikdən sonra hadisə yerinə polis və təcili tibbi yardım qrupları göndərilib. Ünvana gələn həkimlərin müayinəsi zamanı hər iki yaralının həyatını itirdiyi müəyyən edilib.

Hadisə yerində aparılan araşdırmalardan sonra meyitlər incələnmə üçün tibbi ekspertizaya aparılıb.

Hadisə ilə bağlı polis tərəfindən başladılan araşdırmalar davam edir.

Telegramda izləyin