Solariuma girən qadın kabində unuduldu, bədəni yandı

Kocaelidəki gözəllik mərkəzində solaryuma girən Gülşah Bodur cihazın avtomatik bağlanma sisteminin sıradan çıxdığı üçün 22 dəqiqə yüksək istiyə məruz qalıb.

Sonxeber.az türk mediasına istinadən xəbər verir ki, hadisədən sonra qadının bədəni yanıb.

"Bu, bizim güvəndiyimiz bir məkan idi. O gün isə məni məyus etdi. Start düyməsini basdım, eynəyimi taxdım və oyananda 22-ci dəqiqə idi. O an heç bir zəiflik hiss etmədim, amma panikaya düşdüm və ayağa qalxdım. Geyinməyə başlamazdan əvvəl qapını açdım və maşın işə davam etdi. Maşını söndürməyə başladılar. Nəhayət çıxdım. Kassanın önündə məkanın işçiləri ilə mübahisə etdim. Axşam evdə halım pisləşdi və xəstəxanaya getdim. Daha sonra isə polisə müraciət etdim", - deyə qadın bildirib.

Hadisədən sonra Bodur səhhətində problemlər səbəbi ilə işi hətta məhkəməyə də verib. Lakin salona verilən cəza yüngül olduğu üçün Bodur qərardan apellyasiya şikayəti verəcəyini də bildirib.

Araşdırmalar davam edir.

Telegramda izləyin