Gecə saat 3-də tualetə girdi, nəhəng ilanla qarşılaşdı

Taylandın paytaxtı Banqkokda gecə saatlarında tualetdən istifadə etmək üçün hamama girən Tattam Hannarong orada nəhəng piton ilanı ilə qarşılaşıb.

Sonxeber.az türk mediasına istinadən xəbər verir ki, hadisə cümə günü yerli vaxtla saat 03:00 radələrində Sai Mai rayonunda baş verib.

Belə ki, Tattam Hannarong tualetdən istifadə etmək üçün evinin hamamına girib və tualetin içində bükülmüş böyük bir piton tapıb.

Hannaronoq dərhal xilasetmə qruplarını xəbərdar edib və ilanın tualetdə hərəkətsiz vəziyyətdə yatan görüntülərini mobil telefonu ilə lentə alıb.

Hadisəni sosial media hesabında paylaşan gənc "Bunu gecə saat 3-də evimdə tapdım. Bir az qorxuludur" deyə bildirib. O, ilanın təxminən 2,5 metr uzunluğunda olduğunu yazıb.

Evə gələn xilasetmə qrupları qısa müddətdə tutduqları ilanın Cənub-Şərqi Asiyaya məxsus "torlu piton" növü olduğunu və təxminən 2,5 metr uzunluğunda olduğunu bildiriblər.

Hadisədən sonra açıqlama verən ev sahibi Hannarong, "Xilasetmə qruplarına təşəkkür edirəm, gəlməsəydilər nə edərdim bilmirəm. Evdə itim var və çox şanslıyam ki, ilanı mən tapdım, o yox".

Telegramda izləyin