Məzuniyyət mərasimi gözlənilməz hadisə ilə yadda qaldı – tələbənin etirazı bütün diqqətləri üzərinə çəkdi - VİDEO

ABŞ-ın İndiana ştatında yerləşən Goshen Liseyində keçirilən məzuniyyət mərasimi, bir tələbənin nümayiş etdirdiyi davranışla gündəmə gəldi.

Sonxeber.az xarici mediaya istinadən xəbər verir ki, mərasim zamanı diplomunu almaq üçün səhnəyə çıxan gənc, təhsil dövrü ərzində ona pis davranan bəzi müəllimlərə əlini uzatmayaraq diqqət çəkdi.
Diplomunu alan zaman müəllimlərin növbə ilə uzatdıqları əllərə, həmin müəllimlərə çatanda birdən geri çəkildi. Bu davranış səssiz etiraz kimi qiymətləndirildi və mərasim iştirakçıları tərəfindən təəccüblə izlənildi. Bəzi tələbələr və valideynlər bu hərəkəti dəstəkləyərək alqışladılar, bəzi müəllimlərin isə reaksiyasız qalması diqqət çəkdi.

Hadisənin görüntülərinin sosial mediada paylaşılmasından sonra məsələ qısa müddətdə gündəmə gəldi. Bir çox istifadəçi gəncin bu duruşunu "haqlı etiraz" kimi qiymətləndirərkən, bəziləri məzuniyyət kimi xüsusi gündə bu davranışın lazım olmadığını müdafiə etdi.

Telegramda izləyin