Dağda gəzərkən bir qutu qızıl tapdılar

Bir qrup alpinist gəzinti zamanı gözlənilməz kəşf ediblər.

Sonxeber.az türk mediasına istinadən xəbər verir ki, hadisə Çexiyanın şərqindəki Krkonoše dağlarında baş verib. Belə ki, iki səyahətçi qayalıq ərazidə səthdən çıxmış alüminium qutu tapıblar. Onlar qutunu açanda içinin qızılla dolu olduğunu görüblər. Qutudan çıxanlar təkcə alpinistləri deyil, bütün tədqiqatçıları da təəccübləndirib.

Qutunun içərisində qızıl bilərziklər, köhnə siqar qutuları, makiyaj güzgüləri və yüzlərlə müxtəlif ölkədən sikkələr tapılıb. Maraqlısı budur ki, tapılan pulların heç birinin Çexiyaya aid deyil. Bu detal qutunun yerli deyil, beynəlxalq bir xəzinə ola biləcəyi ehtimalını gücləndirib.

Alpinistlər qutunu Şərqi Bohemiya Muzeyinə təhvil veriblər. Muzey əməkdaşları dərhal hərtərəfli araşdırmaya başlayıblar. Arxeologiya şöbəsinin müdiri Miroslav Novak bildirib ki, qutudakı ən yeni sikkə 1921-ci ilə aiddir.

Telegramda izləyin