Avtomobilin üzərinə minlərlə arı qondu – izləyənləri heyrətə salan anlar - VİDEO

Rusiyanın şərqində yerləşən Vladivostok şəhərində baş verən qeyri-adi hadisə qısa zamanda sosial şəbəkələrdə böyük marağa səbəb olub.

Sonxeber.az xarici mediaya istinadən xəbər verir ki, hərəkətdə olan bir avtomobilin üzərinə qəfil minlərlə arı qonub. Bu anlar başqa bir avtomobildə olan şəxs tərəfindən mobil telefonla lentə alınıb.

Hadisə günorta saatlarında şəhərin mərkəzi küçələrindən birində baş verib. Qısa müddət ərzində arılar maşının ön şüşəsini, kapotunu və damını tam şəkildə örtüb.

Maraqlı görüntülər sosial mediada sürətlə yayılıb və milyonlarla baxış toplayıb. Bir çox istifadəçi videoya münasibət bildirərək bu mənzərəni həm təəccüblü, həm də narahatedici hesab edib.

Bəziləri bu halı təbiətin özünü xatırlatması kimi qiymətləndirib, digərləri isə bunun arıların yaşam mühitinin pozulması ilə bağlı ola biləcəyini vurğulayıb.

Telegramda izləyin