11-ci sinif şagirdi buraxılış imtahanında 300 bal toplayıb

9 mart 2025-ci il tarixində DİM tərəfindən keçirilən buraxılış imtahanından Fizika, riyaziyyat və informatika təmayüllü liseyin 11-ci sinif şagirdi İsgəndərov Emin Cabir oğlu bütün sualları doğru cavablayaraq 300 bal nəticə toplayıb.

Bu barədə Sonxeber.az xəbər verir.

Emin təhsil aldığı 11 il ərzində hər il əlaçı adına layiq görülmüşdür. O, hazırkı qiymətləri də əla olduğu üçün liseyi tam orta təhsil haqqında fərqlənmə attestatı ilə bitirəcəyini düşünür.

Xatırladaq ki, Emin 9-cu sinifdə də buraxılış imtahanından 278 bal topladığı üçün ümumi orta təhsil haqqında fərqlənmə attestatına layiq görülmüşdü.

O, 7-ci sinifdə oxuyarkən fizika fənni üzrə RFM-də iştirak edərək gümüş medala, 8-ci sinifdə oxuyarkən İstedadlı şagird kimi 9-cu sinif şagirdləri arasında keçirilən respublika fənn olimpiadasında final mərhələsinə qədər yüksəlmiş, 9-cu sinifdə isə Astronomiya olimpiadasında da gümüş medala layiq görülmüşdür. 11-ci sinifdə oxuyarkən şagirdlər arasında keçirilən "əlaçı"verilişində də iştirak Blok imtahanından yüksək nəticə əldə edib.

Emin Azərbaycan Tibb Universitetinə qəbul olmaq arzusundadır.

Telegramda izləyin