1 illik zəhmət bir gecədə məhv oldu: Beynəlxalq dəyəri olan məhsul oğurlandı

Türkiyənin Bursa vilayətinin Nilüfər rayonuna bağlı Hasanağa kəndində fermerliklə məşğul olan 52 yaşlı Mehmet Kazel, bir il əvvəl əkdiyi ənginarları yığmaq üçün getdiyi tarlada qarşılaşdığı mənzərə ilə sarsılıb.

Sonxeber.az türk mediasına istinadən xəbər verir ki, iddialara görə, gecə saatlarında naməlum şəxs və ya şəxslər tarlaya gələrək bütün ənginarları toplayıb və avtomobillərə yükləyərək hadisə yerindən uzaqlaşıblar.

Təxminən 60 min türk lirəsi (təxminən 7-8 min Azərbaycan manatı) ziyana düşən və iki uşaq atası olan Kazel, yaşadığı hadisəyə etiraz edərək belə deyib:

"4-5 ildir bu sahədə ənginar yetişdirirəm. Səhər məhsulu yığmaq üçün sahəyə gəldim, amma tarlanın boşaldıldığını gördüm. Yəqin ki, gecə gəlib hər şeyi aparıblar. Polisə məlumat verdim, indi kameraları araşdırırlar. Bu pulu qazanmaq üçün alın təri tökürük, indi bu məhsul onların boğazından necə keçəcək? Mən onları Allahın ədalətinə həvalə edirəm."

Hadisədən sonra işə başlayan polis qrupları, şübhəlilərin gəldiyi saatlarda ərazidəki təhlükəsizlik kameralarını araşdırmağa başlayıb.

Telegramda izləyin