Supermarketlərin birindən 960 manatlıq məhsul oğurlayan iki uşaq kassiri hədələdi - VİDEO

İstanbulun Kartal rayonunda iki uşaq bir supermarketlərdən birinə girərək 960 manat dəyərində kərə yağı, pendir və digər süd məhsullarını oğurlayıb. Hadisənin daha şok tərəfi uşaqların kassiri bıçaqla hədələyərək oğurluğu reallaşdırmaları olub.

Sonxeber.az türk mediasına istinadən xəbər verir ki, hadisə dünən günorta saatlarında Kartaldakı böyük bir supermarketdə baş verib. İki uşaq alış-veriş etmək məqsədilə supermarketə daxil olub. Lakin qısa müddət sonra digər müştərilərdən və işçilərdən gizlənərək şarküteriya şöbəsinə yönəliblər. Üzərlərindəki alış-veriş arabasından istifadə edərək kərə yağı, pendir və digər süd məhsullarını toplayıblar. Məhsulların ümumi dəyərinin təxminən 960 manat olduğu bildirilir.

Uşaqlar məhsulları alış-veriş arabasına yığıb sürətlə supermarketdən çıxmağa çalışıblar. Lakin kassirin onları fərq etməsi uzun çəkməyib. Kassirin şübhəli hərəkətlərə diqqət yetirməsi ilə uşaqlardan biri yanında olan bıçaqla kassiri hədələyərək alış-verişi tamamlamalarını tələb edib. Kassir qorxaraq hadisənin daha da böyüməməsi üçün uşaqları saxlamamağa çalışıb, daha sonra isə dərhal təhlükəsizlik əməkdaşlarına və polislərə xəbər verib.

Telegramda izləyin