Kabab restoranlarına vermək üçün evdə at kəsən şübhəlilər reyd zamanı saxlanıldılar

Adanada bir evin altından 2 ton 500 kiloqram təzə kəsilmiş at əti ələ keçirilib.

Sonxeber.az türk mediasına istinadən xəbər verir ki, hadisə Adananın Yüreğir rayonunda baş verib. Belə ki, mərkəz Yüreğir mahalı Bahçelievler Məhəlləsində Adana Təhlükəsizlik Müdirliyi Kəşfiyyat Şöbəsi qrupları Adem T. (48) və oğlu Yusuf Can T.-nin iqamətgahı altında bir atın kəsildiyi barədə məlumat alıb.

Polislər ünvana basqın edib və evin altından 2 ton 500 kiloqram at əti tapılıb.

4 at kəsilmək üzrə olarkən, reyd keçirilib və 3 şübhəli saxlanılıb. Onlar ifadələrində atları kabab restoranlarına vermək üçün kəsdiklərini etiraf ediblər.

Faktla bağlı istintaq davam edir.

Telegramda izləyin