"Ərdoğanın Zəngəzur dəhlizi ilə bağlı fikirləri regional geosiyasi və geoiqtisadi reallıqların dönüş nöqtəsini ehtiva edir" - AÇIQLAMA

"Zəngəzur dəhlizi Azərbaycan üçün Naxçıvanla quru əlaqəsi olmaqla yanaşı, həm də Türkiyə üzərindən türk dünyasına uzanan yeni inteqrasiya xəttidir" - bunu Türkiyə Prezidenti Rəcəb Tayyib Ərdoğan Azərbaycandan qayıdarkən təyyarədə jurnalistlərə açıqlaması zamanı deyib.

Prezidentin sözlərinə görtə, qısa müddətdə bu keçidin açılması Qafqazın nəqliyyat və enerji infrastrukturunu da gücləndirəcək:

"Biz qonşumuz İrandan bölgəmizdə sülhə, əmin- amanlığa və inkişafa xidmət edəcək bu addımları dəstəkləməsini gözləyirik. Biz istəyirik ki, bu mühitdən hamı faydalansın. Atılan hər addım, açılan hər qapı və dəhliz iqtisadi qazanc gətirəcək, ölkələri zamanla yaxınlaşdıracaq".

"Ərdoğanın Zəngəzur dəhlizi ilə bağlı fikirləri regional geosiyasi və geoiqtisadi reallıqların dönüş nöqtəsini ehtiva edir" - bunu Sonxeber.az -a açıqlama verən politoloq Tural İsmayılov deyib:

"Ərdoğanın Zəngəzur dəhlizi ilə bağlı fikirləri regional geosiyasi və geoiqtisadi reallıqların dönüş nöqtəsini ehtiva edir. Bu dəhli sadəcə Naxçıvanla Azərbaycanın quru bağlantısını təmin etməklə qalmır, eyni zamanda türk dünyasını vahid siyasi və iqtisadi xətt üzərində birləşdirmək üçün strateji arteriyaya çevrilir. Ərdoğan bu layihəni təkcə Azərbaycan və Türkiyə üçün deyil, bütövlükdə region üçün sülh, sabitlik və rifah platforması kimi təqdim edir. İranın bu prosesə münasibəti və mövqeyi isə həm bölgənin gələcək inteqrasiyası, həm də sabitliyinin taleyini müəyyənləşdirəcək əsas faktorlardandır. Türkiyə lideri haqlı olaraq bildirir ki, açılan hər bir dəhliz, hər bir yol yalnız iqtisadi deyil, həm də siyasi yaxınlaşmanın yolunu açır. Bu, nəqliyyat dəhlizi kimi görünsə də, əslində strateji geosiyasi dəhlizdir. Ermənistan üçün də bu dəhliz yeni iqtisadi nəfəs ola bilər, əgər revanşist düşüncədən imtina edilərsə. Azərbaycanın işğaldan azad olunmuş ərazilərindəki tikinti və yenidənqurma işlərinin siyasi əhəmiyyəti də məhz bu kontekstdə aydın olur. Çünki Qarabağdakı sabitlik, Zəngəzurdan keçəcək sabit yolun zəmanətidir. Ərdoğanın mesajı həm də odur ki, bu yolun açarı sülh və əməkdaşlıqdır, qarşısı isə yalnız keçmişin kölgəsində yaşayanlar tərəfindən alınır. Dəhliz həm də Avrasiya miqyasında Türkiyənin oyun qurucu güc kimi mövqeyini gücləndirəcək. Azərbaycanın isə bu prosesdə təşəbbüskar və qərarlı duruşu, milli maraqların uğurlu qorunması nümunəsi kimi tarixə yazılır. Zəngəzur dəhlizi türk inteqrasiyasının konkret, fiziki formasıdır. Bu dəhlizlə tarixi ədalət bərpa olunur, coğrafi parçalanma aradan qalxır. Nəhayət, Ərdoğan regiona bir daha xatırladır ki, gələcəyin adı əməkdaşlıq, formulu isə birgə qazanmaqdır"

Çiçək Sadatova

Telegramda izləyin