Sürücülər arasında yol üstündə dava: Gənc qız "Ata, gedək!" deyərək yalvardı - VİDEO

Pendikdə yol vermə üstündə iki sürücü arasında mübahisə düşüb.

Sonxeber.az xəbər verir ki, sürücülərdən biri maşından düşərək digər sürücüyə bıçaq çəkib. Bıçaqlı sürücü digər sürücünü təhdid edib, nalayiq ifadələr işlədib. Həmin anlarda avtomobildə olan və atasına bıçaq çəkildiyini görən gənc qızın qışqırığı avtomobil kamerası tərəfindən saniyə-saniyə qeydə alınıb.

Gənc qız atasına "Ata, gedək! Qorxuram" deyə yalvarıb. Bıçaq çəkən sürücü ilə birlikdə maşından düşən bir qadın isə zərərçəkmiş sürücüyə "Burdan get. Aşirətdirlər, döyərlər səni" deyə bildirib. Dalaşma zamanı zərərçəkmiş sürücünün maşında olan həyat yoldaşı və qızı böyük qorxu keçirib. Mübahisədən sonra zərərçəkmiş sürücü avtomobili ilə hadisə yerindən uzaqlaşıb.

Maşında olan gənc qızın hadisə yerindən uzaqlaşdıqları halda "Ana, qorxuram" dediyi anlar da avtomobil kamerasına düşüb. Sürücü hadisə yerindən uzaqlaşdıqdan sonra polisə zəng edərək hadisə barədə məlumat verib.

Telegramda izləyin