Beyninə metal parçası saplanan azyaşlı qız möcüzəvi şəkildə sağaldı

Hindistanın Uttar Pradeş ştatının Navajpur kəndində 7 yaşlı qızın beyninə saplanan 8 santimetrlik metal parçası, həkimlərin möcüzəvi əməliyyatı ilə çıxarıldı.

Sonxeber.az xarici mediaya istinadən xəbər verir ki, 15 may tarixində baş verən hadisədə, oyun oynayarkən yıxılan qız, yerdə olan nazik bir inşaat parçasının üzərinə yıxılıb və sözügedən metal parçası onun boynunu, çənəsini dəlib beyninə qədər çatmasına səbəb olub.

Müayinə zamanı, metal parçasının alt çənədən girərək kəllə sümüyünə qədər irəlilədiyini və həyati damarların çox yaxınından keçdiyini göstərib. Əməliyyat ertəsi gün (16 mayda) Lucknov şəhərində yerləşən King George Tibb Universitetinin Travma Mərkəzində Dr. Vaibhav Jaiswal və Dr. Sameer Mishra tərəfindən həyata keçirilib.

Kiçik qız əməliyyatdan sonra şişmə, infeksiya və beyinlə bağlı risklər səbəbindən süni tənəffüs cihazına qoşulub və 10 gün reanimasiya şöbəsində nəzarətdə saxlanılıb.

29 may tarixində normal palataya köçürülən qız tam şüurlu vəziyyətdə olub, reaksiyaları normal olub və ciddi nevroloji zədələnmə əlamətləri aşkar edilməyib. Həkimlər qızın tamamilə normal həyatını davam etdirə biləcəyini bildirir.

Telegramda izləyin