Paşinyana cinayət işi açılacaq?

Ermənistanda "Ayakve" təşəbbüs qrupu Baş nazir Nikol Paşinyana qarşı cinayət işi açılması üçün ölkənin baş prokuroru Anna Vardapetyana rəsmi müraciət ünvanlayıb.

Milli.Az xəbər verir ki, bu barədə məlumatı erməni ictimai xadimi Avetik Çalabyan yerli mediaya açıqlamasında verib. Onun sözlərinə görə, müraciətdə Paşinyanın Erməni Apostol Kilsəsinin fəaliyyətinə müdaxilə etdiyi və sosial şəbəkələrdə kilsə ilə bağlı təhqiramiz ifadələr işlətdiyi iddia olunur:

"Biz Ermənistanın baş prokurorunun diqqətini Nikol Paşinyanın bizim fikrimizcə dövlətin erməni Apostol Kilsəsinin daxili işlərinə müdaxiləsinə bərabər hərəkətlərinə yönəltmək istəyirik. Ermənistan Konstitusiyası dövlətin heç bir dini qurumun, o cümlədən erməni Apostol Kilsəsinin işlərinə qarışmayacağını açıq şəkildə bəyan edir" - deyə Çalabyan bildirib.

O əlavə edib ki, Baş nazirin sosial şəbəkələrdə paylaşdığı fikirlərin Konstitusiyaya uyğunluğunun hüquqi qiymətləndirilməsi və bunun əsasında cinayət işinin başlanması zəruridir.

Telegramda izləyin