Şəmkirdə kişi qızının toyundan sonra arvadının burnunu sındırdı

Şəmkirdə kişi qızının toyundan qayıdıb arvadını döyüb.

Sonxeber.az oxu.az-a istinadən xəbər verir ki, hadisə toya yığılan pula görə olub. Şəmkir rayonunun Kür qəsəbə sakini, 1975-ci il təvəllüdlü Babək Sarıyev qızına toy edib.

Toy məclisi başa çatandan sonra o, həyat yoldaşı Rəsmiyyə və baldızı Pərvanə ilə evə qayıdıblar. Kişi həyat yoldaşından toya yığılan pulun siyahısını istəyəndə baldızı Pərvanə onunla mübahisə edib və Rəsmiyyəyə tapşırıb ki, pulu ərinə verməsin. Babək isə ona işlərinə qarışmamağı tapşırıb. Nəticədə mübahisə yaranıb və Babək baldızını evindən qovub. Bu vaxt Rəsmiyyə bacısı Pərvanə ilə birləşib ərinə hücum edib. Babək Sarıyev onlara müqavimət göstərərkən həyat yoldaşını yumruqla vurub. Hadisə nəticəsində Rəsmiyyənin burnu sınıb, bədən xəsarətləri alıb.

Hadisə yerinə polis əməkdaşları gəliblər, faktla bağlı cinayət işi başlanıb.

Cinayət işinin istintaqı yekunlaşaraq iş məhkəməyə göndərilib.

Şəmkir Rayon Məhkəməsi tərəflər arasında barışıq əldə edildiyi üçün B.Sarıyevi məsuliyyətdən azad edib.

Telegramda izləyin