Qoruma altına alınan uşağı geri verilmədiyin üçün boğazına bıçaq dayadı, evini yandırdı

Konya şəhərinin Meram rayonuna bağlı Sahibiata məhəlləsində yerləşən bir binanın ikinci mərtəbəsində həyat yoldaşından ayrı yaşayan Abdullah G., bir müddət əvvəl dövlətin qorumasına alınan 8 yaşlı övladının geri verilməməsinə etiraz edib. Abdullah G., boğazına bıçaq dayayaraq öz evini də yandırıb.

Sonxeber.az türk mediasına istinadən xəbər verir ki, hadisə barədə məlumat verildikdən sonra əraziyə polis, yanğınsöndürmə və təcili tibbi yardım qrupları göndərilib. Polis əməkdaşları gələndə Abdullah G. qapını açmayaraq özünü öldürəcəyini bildirib.

Abdullah G.-nin sakitləşdirilməsi üçün ayrı yaşadığı həyat yoldaşı hadisə yerinə çağırılıb. Ancaq həyat yoldaşının bütün səylərinə baxmayaraq Abdullah G. sakitləşdirilə bilməyib.

Partlayış səsinin də eşidildiyi evdəki yanğın, yanğınsöndürənlərin pəncərədən müdaxiləsi ilə söndürülüb, hadisə yerinə xüsusi təyinatlı polis qüvvələri cəlb olunub. Binada yaşayanlar isə təxliyə edilib. Xüsusi təyinatlı polis qüvvələrinin gəldiyini görən Abdullah G. bu dəfə binanın damına çıxıb.

Abdullah G. ətrafdakılara kərpic atarkən, onun bir anlıq diqqətsizliyindən istifadə edən polis qüvvələri müdaxilə edərək onu zərərsizləşdiriblər.

Bədəninin müxtəlif hissələrində kəsiklər yaranan Abdullah G., təcili tibbi yardım maşını ilə xəstəxanaya aparılıb. Onun müalicədən sonra nəzarətə alınacağı və barəsində hüquqi araşdırmaya başlanacağı bildirilib.

Abdullah G.-nin yandırdığı evə bir neçə ay əvvəl köçdüyü məlum olub. Hadisə ilə bağlı araşdırma davam edir.

Telegramda izləyin