Əl uzadıb salamlaşdı, sonra da ayaqlarından güllələdi

Konyada marketdə alış-veriş edən şəxs ona yaxınlaşaraq əl sıxan şübhəli şəxs tərəfindən silahla ayaqlarından vurulub.

Sonxeber.az türk mediasına istinadən xəbər verir ki, hadisə Konyanın Səlcuqlu rayonu, Elmalı Həmdi Hoca küçəsində yerləşən marketdə baş verib.

Belə ki, marketdə alış-veriş edən K.D. çıxarkən maşınına tərəf getmək istəyib. Lakin bu zaman bir nəfər ona yaxınlaşaraq əl uzadaraq salam verib. Daha sonra isə həmin şəxs silahını çıxararaq K.D-nin hər iki ayağına atəş açıb. Şübhəli hadisədən dərhal sonra avtomobilə minərək oradan qaçıb.

Yaralanan K.D ətarfadkı vətəndaşlar tərəfindən xəstəxanaya çatdırılıb. Polis şübhəlinin tutulması üçün araşdırma başladıb.

İstintaq davam edir.

Telegramda izləyin