12 yaşlı uşaq göldə boğularaq öldü

Elazığda ailəsi ilə birlikdə piknikə gedən və isti havadan təsirlənərək Keban Su Anbarına girən 12 yaşlı M.F.A. boğulub.

Sonxeber.az türk mediasına istinadən xəbər verir ki, Elazığın Yurtbaşı qəsəbəsinə bağlı Güzelyalı kəndi yaxınlığında ailəsi ilə piknik edən 12 yaşlı M.F.A. isti havadan sərinləmək üçün Keban Su Anbarına daxil olub.

Bir müddət sonra uşağın gözdən itdiyini görən valideyinlər 112 Təcili Yardım Mərkəzinə məlumat veriblər. Bildiriş əsasında hadisə yerinə səhiyyə və polis briqadaları göndərilib.

Ətrafdakılarla birgə aparılan axtarış nəticəsində sudan çıxarılan uşaq ilkin tibbi yardım göstərildikdən sonra Fethi Sekin Şəhər Xəstəxanasına çatdırılıb. Lakin həkimlərin bütün səylərinə baxmayaraq uşaq həyatını itirib.

Uşağın meyiti müayinə üçün xəstəxananın morquna aparılıb və hadisə ilə bağlı araşdırma başlanıb.

Telegramda izləyin