Arı qəzaya səbəb oldu: Bacı və qardaş həyatını itirdi

Rizenin Çayeli rayonundan keçən Qara dəniz Sahil Yolunda baş verən qəza nəticəsində bacı və qardaş həyatını itirib.

Sonxeber.az türk mediasına istinadən xəbər verir ki, əldə edilən məlumata görə, hadisə bir neçə gün öncə baş verib. Artvin şəhərindən Rize istiqamətində hərəkətdə olan H.A.-nın idarə etdiyi avtomobil sürücünün idarəetməni itirməsi nəticəsində baryerlərə çırpılıb.

Hadisə yerinə gələn xilasedicilər tərəfindən avtomobildən çıxarılan 13 yaşlı Məhəmməd Aşçi və 21 yaşlı bacısı Ayşə Aşçinin hadisə yerində öldüyü müəyyən edilib. Qəza zamanı yaralanan sürücü və digər sərnişinlər M.A. və S.A. Rize RTEÜ Təhsil və Araşdırma Xəstəxanasına yerləşdirilib.

Yaralılar müalicədən sonra evə buraxılıblar. Həyatını itirən bacı və qardaş isə Artvinin Yusufeli rayonunda dəfn edilib.

Araşdırma nəticəsində məlum olub ki, qəza ailənin bayramdan sonra Artvindən Rizəyə qayıdarkən baş verib.

Avtomobilin içinə girən arı səbəbindən sürücü panikaya düşərək idarəetməni itirib və nəticədə avtomobil baryerlərə çırpılıb.

Telegramda izləyin