"Təki universitet olsun" düşüncəsinin acı nəticələri - AÇIQLAMA

"Təki universitet olsun" düşüncəsinin acı nəticələri - AÇIQLAMAAli məktəblərə qəbul olunan abituriyentlərin təxminən 40%-i seçdiyi ixtisasdan narazıdır. Onların 14%-i isə təhsil aldığı müddətdə ixtisasını dəyişməyə qərar verir. Bəs bu qədər gəncin öz peşə seçimindən məmnun qalmamasının başlıca səbəbi nədir? Bu narazılıq sadəcə şəxsi qərarsızlıqdan, yoxsa sistemli problemlərdən qaynaqlanır?

Mövzu ilə bağlı Sonxeber.az-a təhsil eksperti Elmin Nurizadə danışıb.

"Təki universitet olsun" düşüncəsinin acı nəticələri - AÇIQLAMAO, açıqlamasında qeyd edib ki, əksəriyyət üçün universitet gələcək əmək bazarına peşəkar kadr hazırlayan müddət yox, sanki ölüm-qalım məsələsidir:

"Bunun bir səbəbi var — bizim universitet faktoruna olan yanlış münasibətimiz. İxtisas seçimində iştirak edən, hətta etməyən şəxslər də bunu təsdiq edər. Universitet artıq valideynlər arasında, tanış-biliş, qohum-qonşu arasında ciddi rəqabət mexanizmi kimi dəyərləndirilir. Universitetə qəbul oldunsa, artıq ən böyük həyati missiyanı tamamlamısan ideyası hökmranlıq edir. O səbəbdən də universitetə qəbul olunma prosesində özünü tapmaq, gələcək hədəflərini müəyyənləşdirmək barədə demək olar ki, düşünülmür. Belə olan təqdirdə abituriyentin yalnız yığdığı bal müqabilində harasa, uzaqdan-yaxından əlaqəsi olan ixtisasa qəbulundan başqa əlacı qalmır. Bir çoxları ümumiyyətlə "əşi, təki universitet olsun" düşüncəsi ilə yaşayır. Bütün bunları nəzərə alaraq, hazırda siz dediyiniz kimi 40%-dək tələbənin ixtisasından narazı olması üzə çıxır. Açığı, mən daha böyük rəqəm gözləyirdim. Doğrudur, 40%-lik göstərici heç də kiçik rəqəm olmasa da — təxminən hər iki tələbədən biri — apardığım müşahidələr bunun bəlkə də 70-80% olacağına bir işarə idi. Etiraf edim ki, indi də bu fikirdəyəm. Həqiqətən də, bizim ali təhsilimizin ən ciddi problemi gözlərində işığın olmadığı tələbələrdir. Bununla universiteti, onun cari problemlərini heç də kənara qoyub, məsələni yalnız tələbənin üzərinə atmaq istəmirik. Hər problemin öz yeri və öz çəkisi var. Amma inanın, ən ağır problem tələbə gözündə işıqsızlıq, onun gələcəklə bağlı qeyri-müəyyənliyidir. Bu kimi halları adətən 3-cü kursdan etibarən müşahidə edə bilirik. Çünki birinci ildə — ilk kursda gənc tələbəlik eyforiyasında olur. Onun üçün hələ çox şeylər aydın deyil. Amma sonradan tamam başqa pəncərədən baxanda çox ciddi xəyal qırıqlığı yaşamış olurlar. Odur ki, orta təhsil illərindən başlayaraq, xüsusən də son siniflərdə şagirdlərə lazım gələrsə, məcburi qaydada karyera bələdçiliyi kursu keçirilməli, onların hədəflər siyahısı ən azından özləri üçün müəyyənləşdirilməlidir. Məhz bundan sonra universitet hazırlıqları başlanmalı və hazırlıq həmin hədəflərə paralel şəkildə aparılmalıdır".

Vüsalə İbrahimli


Sonxeber.az
Telegramda izləyin
Sosial   Baxılıb: 2081   Tarix: 10 iyun 2025  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Magistraturaya ixtisas seçiminin vaxtı uzadılıb

Magistratura səviyyəsinə ixtisaslaşma seçiminin vaxtı bu gün saat 13:00-dək uzadılıb. xəbər verir ki, bu barədə Dövlət İmtahan Mərkəzi (DİM) məlumat yayıb. Bildirilib ki, müsabiqə şərtlərini ödəyən və ixtisaslaşma seçimində iştirak etmək hüququ qazanan bakalavrlar 27 iyul saat 13:00-dək ali təhsil müəssisələrini

27 iyul
.

Saleh Məmmədovun şərikinin adı bilindi: Təhmasib Qəniyev kimdir? - İLGİNC FAKT

Xəbər verdiyimiz kimi, Azərbaycan Avtomobil Yolları Dövlət Agentliyinin (AAYDA) sabiq rəhbəri Saleh Məmmədov Almaniyada bina inşa edir. xəbər verir ki, bu barədə ilk olaraq araşdırmaçı jurnalist Cavanşir Həsənli məlumat yayıb. O qeyd edib ki, iki binanın inşasını Saleh Məmmədov şəriki ilə reallaşdırır

27 iyul
.

Ana dilimiz milli kimliyimizin və milli varlığımızın ən mühüm göstəricilərindən biridir

Ana dilimiz milli kimliyimizin, milli varlığımızın ən mühüm göstəricilərindən biridir. Eyni zamanda, dilimiz milli birliyimizi gücləndirən əsas amillər sırasındadır. Bu baxımdan, Ulu Öndərimiz Heydər Əliyevin ana dilimizin qorunması və inkişafı istiqamətində fəaliyyəti xüsusi vurğulanmalıdır. Ümummill

27 iyul
.

Güclü küləklə bağlı əhaliyə XƏBƏRDARLIQ

"Hazırda Bakıda və Abşeron yarımadasında, eləcə də bir sıra bölgələrdə müşahidə olunan küləkli hava şəraiti ilə bağlı sarı və narıncı xəbərdarlıq verilib. Baş Dövlət Yol Polisi İdarəsi (BDYPİ) əlverişsiz hava şərtlərinin yollarda yarada biləcəyi təhlükənin qarşısının alınması üçün hərəkət iştirakçılarında

27 iyul
.

Azərbaycan I yarımildə 41 min tona yaxın xurma ixrac edib

Bu ilin yanvar-iyun aylarında Azərbaycan 32 milyon 99 min ABŞ dolları dəyərində 40 min 527 ton xurma ixrac edib. "Report" Dövlət Gömrük Komitəsinə istinadən xəbər verir ki, bu, dəyər baxımından 847 min dollar (2,6 , həcm baxımından isə 5 min 307 ton (11,6 %) azdır. Hesabat dövründə xurma ixracında

26 iyul
.

Sabah külək əsəcək, 41 dərəcə isti olacaq

Azərbaycanda iyulun 28-də 41 dərəcə isti gözlənilir. xəbər verir ki, bu barədə Milli Hidrometeorologiya Xidməti məlumat yayıb. Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Arabir güclənən şimal-qərb küləyi günün ikinci yarısında mülayim şimal-şərq küləyi ilə əvə

27 iyul
.

Yeni əlifbanın tətbiqi müstəqil ölkəmizin ictimai-siyasi həyatında baş vermiş mühüm hadisələrdən biridir

Məşhur pedaqoq, mütəfəkkir Konstantin Uşinskinin belə bir deyimi var: "Bir milləti məhv etmək istəyirsənsə, ilk öncə onun dilini əlindən al". Bəli, Dil xalqın varlığını əks etdirən əsas sərvətidir. Onun keçmişi, bu günü və gələcəyidir. Dil bizim tariximiz, mənəviyyatımız, mədəniyyətimizdir

27 iyul
.

Küləkli hava nə vaxta qədər davam edəcək?

Bakıda və Abşeron yarımadasında güclü şimal-qərb küləyi əsir. Milli Hidrometeorologiya Xidmətindən -a verilən məlumata görə, küləyin maksimal sürəti narıncı xəbərdarlığa uyğun olaraq arabir 28 m/s-dək çatır. Dənizdə dalğanın hündürlüyü 2.8 metrdir. Qurumun məlumatına görə, küləkli hava şəraiti saba

27 iyul
.

Sabiq prokuror vəfat etdi

Azərbaycan Baş Prokurorluğunun veteranı, ədliyyə müşaviri Füzuli Musayev vəfat edib. Shimal.News-a istinadən xəbər verir ki, uzun illər prokurorluq orqanlarında çalışmış məmur yaşadığı evdə ürəktutması nəticəsində dünyasını dəyişib. 1992-ci ildə prokurorluq orqanlarında qulluğa başlayan F.Musayev Daşkəsən

27 iyul