Uşaqlarına bu adları qoyan ailələrə qızıl hədiyyə ediləcək

Türkiyənin Kırşehir şəhərində həyata keçirilən yeni layihə çərçivəsində övladlarına "Ahi" və ya "Neşet" adını verən ailələr qızıl hədiyyəsi ilə mükafatlandırılacaqlar.

Sonxeber.az xarici mediaya istinadla xəbər verir ki, Mustafa Düger Vəqfi tərəfindən koordinasiya olunan "Adımı Sen Koy" layihəsinin təqdimat mərasimi Kırşehirdə baş tutub.

Vəqfin sədri Mustafa Düger bildirib ki, layihənin əsas məqsədi Kırşehirin mühüm mənəvi simaları olan Ahi Evran və Neşet Ertaş adlarını gələcək nəsillərə yaşatmaqdır.

Onun sözlərinə görə, layihə çərçivəsində Kırşehirdə dünyaya gələn və adına "Ahi" və ya "Neşet" adı əlavə edilən hər bir uşaq üçün ailəsinə ahilik fəlsəfəsinin dörd açıq qapısını simvolizə edən 4 çeyrek qızıl hədiyyə olunacaq.

Mustafa Düger qeyd edib ki, təşəbbüsün məqsədi bölgənin mədəni və tarixi dəyərlərini qorumaq, eyni zamanda onları gələcək nəsillərə çatdırmaqdır. O əlavə edib ki, bu istiqamətdə yeni layihələrin hazırlanması da davam edir.

Telegramda izləyin