75 yaşlı kişi arvadını öldürüb intihar etdi

İzmirdə mübahisə zəminində həyat yoldaşını silahla vuraraq öldürən 75 yaşlı kişi də eyni silahla həyatına son qoyub.

Sonxeber.az türk mediasına istinadən xəbər verir ki, hadisə İzmirin Tire rayonunda baş verib. Belə ki, M.Ö.E adlı 75 yaşlı kişi ilə həyat yoldaşı Ş.E.arasında mübahisə yaranıb.

Mübahisə getdikcə davaya çevrilib və 75 yaşlı M.Ö.E. arvadını silahla vurub. Daha sonra M.Ö.E. eyni silahla intihar edib.

Silah səslərini eşidən məhəllə sakinlərinin xəbər verməsi üzərinə hadisə yerinə polis və təcili tibbi yardım qrupları sövq edilib.

Sağlamlıq qrupları tərəfindən edilən müayinədə hər iki yaralının həyatlarını itirdikləri müəyyən edilib.

Faktla bağlı istintaq başladılıb.

Telegramda izləyin