İlin ən güclü maqnit qasırğasıXƏBƏRDARLIĞI: İyul ayına qədər davam edəcək

Gələn həftənin əvvəlindən Yer kürəsində iyul ayına qədər davam edəcək uzunmüddətli geomaqnit pozuntuları müşahidə olunacaq.

Lent.az bildirir ki, mütəxəssislərin fikrincə, aktivliyin pik nöqtəsi çərşənbə və cümə axşamı (26-27 iyun), intensivliyin geomaqnit şkalası üzrə 5-6 bala çatacağı günlər olacaq.

İyunun 24-25-i, qasırğaların səviyyəsinin "qırmızı zonaya" daxil olacağı vaxt xüsusi təhlükə yaradır. Bu günlərdə meteohəssas insanlarda şiddətli baş ağrıları, təzyiqin düşməsi, yorğunluğun artması və yuxunun pozulması müşahidə oluna bilər.

Həkimlər əlverişsiz dövrə hazırlaşmağı məsləhət görürlər:

• istirahət vaxtını artırmaq və stresli vəziyyətlərdən qaçmaq;

• içmə rejimini və yüngül pəhriz saxlamaq;

• fiziki və emosional gərginliyi məhdudlaşdırmaq;

• açıq havada daha çox vaxt keçirmək.

Mütəxəssislər qeyd edirlər ki, indiki maqnit qasırğası bu ilin ən güclülərindən biri ola bilər. Ürək-damar xəstəlikləri olan insanlar xüsusilə diqqətli olmalı və lazımi dərmanların yanlarında olması tövsiyə olunur.

Telegramda izləyin