Qəza törədən gənc atasının reaksiyasından sonra intihara cəhd etdi

Türkiyədə, İslahiyə rayonunun Çamlıca məhəlləsində baş verən hadisə zamanı M.G. adlı şəxs atasına məxsus avtomobillə dayanacaqda olan başqa bir nəqliyyat vasitəsinə çırpılıb.

Sonxeber.az türk mediasına istinadən xəbər verir ki, qəza sonrası atasının sərt reaksiyası ilə qarşılaşan M.G. adlı gənc, hadisə yerinə yaxın ağır zərər görmüş binanın 6-cı mərtəbəsinə çıxaraq intihara cəhd edib.

Hadisə yerinə polis, təcili tibbi yardım və xilasetmə briqadaları cəlb olunub. Əraziyə gələn qruplar binanın ətrafında təhlükəsizlik tədbirləri görüb, polis əməkdaşları isə gənci fikrindən daşındırmağa çalışıblar. Bütün cəhdlərə baxmayaraq fikrindən dönməyən gənc binadan atılmaq üzrə olarkən polis tərəfindən son anda yaxalanaraq xilas edilib.

Hadisə anı mobil telefon kamerası ilə lentə alınıb. Ətrafdakı vətəndaşlar isə gəncin xilas olunmasını alqışlarla qarşılayıblar. Faktla bağlı araşdırma başlanılıb.

Telegramda izləyin