Dedektivin qalıqları zibillərin arasından tapıldı

ABŞ-ın Konnektikut ştatında 73 yaşlı qadın detektivin skeleti evində yığılmış zibil qalıqları arasında çətinliklə tapılıb.

Lent.az xarici mediaya istinadla bildirir ki, Meri Notaranjelo 1996-cı ildə təqaüdə çıxıb və o vaxtdan bəri tək yaşayıb. 2024-cü ilin iyul ayında onun bir dostu polisə müraciət edərək onu yoxlamaq istəyib. O, bir neçə həftə əvvəl Notaranjelodan qəribə mesaj aldığını deyib. Qadın mədə ağrısından və qusmadan şikayətlənib.

Notaranjelonu tapmaq üçün polis xüsusi təlim keçmiş it və dron, həmçinin Ətraf Mühitin Mühafizəsi Agentliyinin, eləcə də təhlükəli tullantıların toplanması şirkətinin əməkdaşlarını gətirib.

İtkin düşən Notaranjelonun evi zibillə o qədər dolu olub ki, onu ekskavatorla təmizləmək lazım gəlib. Yalnız bunun sayəsində keçmiş detektivin qalıqları bu ilin fevralında tapılıb.

"Mən heç vaxt belə acınacaqlı şərait görməmişdim" deyən Qlastonberi polis rəisi Marşall Port, qadının evində qəfəsə salınmış quşların və çoxsaylı siçanların qalıqlarının da olduğunu əlavə edib.

Məhkəmə ekspertləri Notaranjelonun nə üçün öldüyünü müəyyən edə bilməyiblər, çünki onun qalıqları sümüyə qədər çürüyüb.

Telegramda izləyin