Ötən il qocalar evində bəysiz toy edən qadının meyiti tapıldı - VİDEO

Ötən il qocalar evində bəysiz toy edən Sümbül Topbaş ölü tapılıb.

Sonxeber.az türk mediasına istinadən xəbər verir ki, 83 yaşlı Sümbül Topbaş bu gün Çukurova rayonunda kolluqda ölü tapılıb. Vətəndaşların xəbəri ilə hadisə yerinə gələn polislər yaşlı qadının meyitini aşkar ediblər. Topbaşın meyiti müayinə olunduqdan sonra incələnmə üçün tibbi ekspertizaya aparılıb. Onun bir müddətdir qaldığı Seyhan Qocalar Evindən hansı səbəbdən ayrıldığı hələlik məlum deyil.

Qeyd edək ki, bir ömür həyatının eşqini gözləyən və gəncliyində platonik sevgisi olan Cabbar Qani ilə heç evlənməyən Sümbül Topbaş ötən il Adanada yaşadığı qocalar evində bəysiz toy etmişdi.

Qaldığı qocalar evində ən böyük arzusunun "həyatımda bir dəfə də olsa gəlinlik geyinmək" olduğunu deyən Sümbül üçün səlahiyyətlilər və xeyriyyəçilər səfərbər olub və onun arzusunu gerçəkləşdirmişdilər.

Yaşlı qadının toyu sosial mediada ən çox izlənənlərdən biri olub.

Telegramda izləyin