Xəstəxananın bağçasında silahlı dava

Sakaryada xəstəxana bağçasında baş verən davada bir nəfər həyatını itirib.

Sonxeber.az türk mediasına istinadən xəbər verir ki, hadisə Sakaryanın Sapanca rayonunda baş verib. Belə ki, Əli Dursun adlı kişi yük maşını ilə Sapanca Rayon Dövlət Xəstəxanasına gəlib. Bu zaman Dursun ilə E.D adlı şəxs arasında mübahisə yaranıb. Mübahisə getdikcə davaya çevrilib. Bu zaman E.D. silahını çıxarıb və Dursunu vurub.

Dursun dərhal xəstəxana işçiləri tərəfindən təcili yardıma aparılıb. Lakin həkimlərin bütün səylərinə baxmayaraq, Dursunu xilas etmək mümkün olmayıb.

Hadisədən sonra bölgəyə sövq edilən polis qrupları xəstəxana ətrafında geniş təhlükəsizlik tədbirləri alıb.

Polis qaçan şübhəlini tutmaq üçün işlərə başlayıb..

Telegramda izləyin