2,5 il əvvəl ölən anasının məzarı 20 dəfə dağıdılıb

2,5 il əvvəl Esenyurtda anasını itirən Erdem Kağan Aydın bu müddət ərzində anasının məzarının naməlum şəxs və ya şəxslər tərəfindən təxminən 20 dəfə dağıdıldığını bildirib.

Sonxeber.az türk mediasına istinadən xəbər verir ki, 2022-ci ilin sentyabrında İstanbulun Esenyurt səmtindəki Yeni Qəbiristanlıqda dəfn edilən Gülpaşa Aydının məzarı bu vaxt ərzində təxminən 20 dəfə dağıdılıb. Naməlum şəxs və ya şəxslərin həyata keçirdiyi hücum nəticəsində anasının məzarını dəfələrlə təmir etdirdiyini deyən oğlu Erdem Kağan Aydın qəbiristanlıq rəsmilərinə dəfələrlə xəbərdarlıq etdiyini bildirib. Hücumu həyata keçirən şəxs və ya şəxslərin ərazidəki digər məzarlara da ziyan vurduğunu bildirən Aydın, bu vəziyyət qarşısında səlahiyyətlilərdən ən qısa zamanda tədbir görmələrini istəyib.

Aydın: "Məzarın üstündəki güllər götürülür, məzar tamamilə dağıdılır. Səlahiyyətlilərdən bu vəziyyətin düzəldilməsinə kömək etmələrini istəyirəm" , - deyə açıqlamasında bildirib.

Telegramda izləyin