9 yaşlı qızla evlənmək istəyən 39 yaşlı şəxs həbs olundu

Fransanın Disneyland Paris əyləncə parkında 9 yaşlı ukraynalı qızla saxta toy təşkil edən və onunla evlənməyə çalışan 39 yaşlı britaniyalı şəxs həbs edilib.

Sonxeber.az xəbər verir ki, Fransız prokurorluğu onun İngiltərədə azyaşlılara qarşı cinsi cinayətlərə görə axtarıldığını açıqlayıb.

Təxminən 100 nəfərin qatıldığı tədbir üçün park xüsusi olaraq 115 min funt sterlinqə icarəyə götürülüb. Şübhəli şəxs Letonyalı birinin kimliyi ilə saxta sənədlər təqdim edərək tədbiri təşkil edib. Kiçik qız toy paltarı və topuqlu ayaqqabıda görünəndə işçilər şübhələnib və dərhal polisi çağırıblar.

Hüquq-mühafizə orqanları əlavə olaraq "fırıldaqçılıq", "etibardan sui-istifadə", və "şəxsiyyət oğurluğu" ittihamları irəli sürüb. Tədbirdə "ailə üzvü" kimi çıxış edən 41 yaşlı ukraynalı qadın (uşağın anası), 24 yaşlı latviyalı qadın və 55 yaşlı bir kişi də saxlanılıb.

Toyun sosial mediada canlı yayımlanması planlaşdırılırdı. Məlumata görə, azyaşlı qızın sağlamlıq vəziyyəti stabildir və fiziki zərər görməyib. Hadisə ilə bağlı araşdırma davam edir.

Telegramda izləyin