Mübahisə etdiyi şəxsi qovalayıb bıçaqladı, sonra hadisə yerindən qaçdı

Konya şəhərinin Karatay rayonunda yerləşən Şeyx Ulema Yahşi küçəsində dəhşətli hadisə baş verib. Yüngül ticari avtomobillə hərəkətdə olan Mustafa K. ilə hələlik nömrəsi məlum olmayan avtomobilin sürücüsü arasında mübahisə yaranıb.

Sonxeber.az türk mediasına istinadən xəbər verir ki, Mustafa K. mübahisədən uzaqlaşmaq istədiyi anda qarşı tərəflə aralarında təqib başlayıb. Təqib zamanı naməlum sürücü Mustafa K.-nın idarə etdiyi avtomobilin qarşısını Şeyx Ulema Yahşi küçəsində kəsib.

Bundan sonra baş verən qarşıdurmada kimliyi hələ müəyyənləşməyən şəxs üzərindəki bıçaqla Mustafa K.-nı sinəsindən və ayağından bıçaqlayaraq hadisə yerindən qaçıb. Yaralanan Mustafa K. avtomobilini orada qoyaraq, yaralı halda İşağlaman məhəlləsindəki Nazarlıq küçəsinə qədər qaçıb.

Hadisə yerinə çağırılan təcili tibbi yardım briqadaları tərəfindən ilk tibbi müdaxiləsi edilən Mustafa K., daha sonra təcili şəkildə Konya Şəhər Xəstəxanasına çatdırılıb. Onun həyatının təhlükədə olduğu bildirilib.

Polis hadisə yerində araşdırmalara başlayıb və qaçan şübhəlinin tutulması üçün əməliyyat keçirir.

Telegramda izləyin