Dövlət məmuru dava etdiyi qonşusunu ağır yaraladı - VİDEO

Türkiyədə AK Partiya İlçe Başkanı Muhammet Kızılayoğlu qonşusunu ağır yaralayıb.

Sonxeber.az türk mediasına istinadən xəbər verir ki, Kızılayoğlunun qonşusu həyat yoldaşı ilə boşanmasında günahkar olaraq onu görüb. Bu səbəbdən bir müddətdir onların arasında düşmənçilik yaranıb.

Nəhayət ötən gecə onlar arasında gərginlik yaşanıb. Belə ki qonşu beysbol sopası ilə Kızılayoğluna hücum edib. Belə ki, qonşusu məmuru sopa ilə vurub və bu zaman o da özünü qorumaq üçün silahla qonşusuna atəş açıb və onu ağır yaralayıb.

Hadisədən sonra ətrafdakıların məlumatı ilə hadisə yerinə təcili tibbi yardım və polis qrupları sövq edilib. Ünvana gələn həkimlərin ilkin tibbi müdaxiləsindən sonra yaralı kişi xəstəxanaya aparılıb.

Kızılayoğlu isə polis tərəfindən saxlanılıb. O polisdə ifadəsini verdikdən sonra sövq edildiyi məhkəmə tərəfindən həbs olunaraq həbsxanaya göndərilib.

Araşdırmalar davam edir.

Telegramda izləyin