Məhkəmə qadının "yubka"sını müsadirə etdi - SƏBƏB

Helsinki Apellyasiya Məhkəməsi 25 yaşlı qaraçı qadının "yubka"sının cinayətdə istifadə edilən silah olduğunu müəyyən edərək müsadirə edilməsinə qərar verib.

Lent.az-ın xarici mediaya istinadla xəbərinə görə, 2023-cü ilin noyabrında qadın və onun şəriki Helsinkinin Vuosaari rayonunda supermarketdən malları məxmər yubka altında gizlədərək oğurlamağa cəhd ediblər. Oğurlanmış əşyalar arasında üç konfet qutusu, qab-qacaq və iki robot tozsoran olub. Malların ümumi dəyəri 800 avro civarında olub.

Qadınlar oğurladıqları malları mağazanın başqa bölməsinə qoyub getdiklərindən onların əməlləri oğurluğa cəhd kimi qiymətləndirilir.

Rayon məhkəməsi hər iki qadın "yubka"sının əşyaları gizlətmək üçün xüsusi olaraq hazırlandığını - onların arasında gizli boşluq yaratmaq üçün daxili və xarici təbəqələrin bir-birinə tikildiyini qeyd edərək, onların müsadirə edilməsinə qərar verib.

Qadınlardan biri apelyasiya şikayəti verərək, "yubka"nın ona qaytarılmasını tələb edərək, bunun qaraçıların milli geyiminin bir hissəsi olduğunu və böyük mədəni və şəxsi əhəmiyyət daşıdığını bildirib. Şikayətdə o da qeyd olunub ki, belə "yubka"nı itirmək qadının özü üçün deyil, ailəsi üçün də biabırçılıq sayılır.

Lakin apellyasiya məhkəməsi qərarı qüvvədə saxlayıb. Qərarda qadının dəfələrlə oğurluq etdiyi (2021-2024) və bir çox hallarda "yubka" ilə eyni sxemdən istifadə etdiyi bildirilir. Məhkəmə qeyd edib ki, "yubka"nın müsadirə edilməsi gələcəkdə oxşar cinayətlərin qarşısını almaq məqsədi daşıyıb, baxmayaraq ki, "yubka"nın özünün sırf oğurluq məqsədilə hazırlanmadığını etiraf edib.

Telegramda izləyin