Anası öləndən sonra evdə tək qalan körpə polis tərəfindən xilas edildi

ABŞ-ın Arizona ştatının Feniks şəhərində yeni doğulmuş bir körpə, anası vəfat etdikdən sonra günlərlə evdə tək və baxımsız halda qalıb.

Sonxeber.az türk mediasına istinadən xəbər verir ki, qonşuların ananı bir neçə gündür görməməsi üzərinə polisə xəbər verilib. Hadisə yerinə gələn polis əməkdaşları evdən səs gəlmədiyi üçün qapını sındıraraq içəri giriblər.

Evə daxil olduqda, anasının cansız bədəni ilə yanaşı, çox pis vəziyyətdə olan bir körpə tapılıb. Susuz və ac qalan körpənin həyatını itirməsinə saniyələr qalırmış. Polis onu dərhal təcili yardıma təhvil verib. Körpənin vəziyyəti ağır olsa da, yaşaması gözlənilir.

Polis sözçüsü Brayan Bower bildirib ki, "Əgər polis vaxtında müdaxilə etməsəydi, körpə sağ qala bilməzdi. Qonşuların diqqəti və zəngi həlledici oldu".

Hazırda körpə Uşaq Müdafiə Xidməti tərəfindən nəzarətə götürülüb. Ananın ölüm səbəbi araşdırılır.

Telegramda izləyin