Parkda dəhşətli anlar – Gənc qıza bıçaqla hücum etdi

Böyük Britaniyanın paytaxtı Londonda, şəhərin şimal-qərbində yerləşən Gladstone Parkında baş verən dəhşətli hadisə həm şahidlərin, həm də sosial medianın gündəmini zəbt edib.

Sonxeber.az xəbər verir ki, Kapüşonlu bir şəxs, iri ölçülü çörək bıçağını çıxararaq gənc bir qıza doğru sürətlə hücum edib.

Hadisə anı mobil telefonla qeydə alınıb. Görüntülərdə hücumçunun əlindəki nəhəng bıçağı qızın üzünə cəmi bir neçə santimetr məsafədə atdığı açıq-aşkar görünür. Gənc qız, sürətlə əllərini qaldıraraq və geri çəkilərək özünü qorumağa çalışıb. Lakin hücumçu bıçaqla dəfələrlə ona doğru hərəkət edib və onu təhdid edib.

Qız xoşbəxtlikdən hadisə yerindən uzaqlaşa bilib. Lakin görüntülərdə həmin şəxsin digər insanlara qarşı da təhdidedici şəkildə yaxınlaşdığı müşahidə olunur. Hücumçu bir müddət ətrafdakılara qarşı təhlükəli davranışlarını davam etdirib və daha sonra bıçağı yanına qoyaraq hücumu dayandırıb.

Hadisə parkda olan insanlar arasında böyük panikaya səbəb olub. Bir çox şəxs çığırtılar içində qaçmağa çalışıb.

Görüntülərdə polis əməkdaşlarının ərazidə ola biləcəyinə dair bir detal da yer alıb. Dinamikdən eşidilən "Arxa qapıdayıq" səsləri hüquq-mühafizə orqanlarının hadisəyə müdaxilə etdiyini ehtimal etdirir.

Bu dəhşətli hadisə Londonda bəzi parkların nə qədər təhlükəli hala gəldiyini bir daha gündəmə gətirib. Məsələ ilə bağlı araşdırmalara başlanıldığı bildirilir.

Telegramda izləyin