Birinci sinif şagirdinə verilən sual atanı özündən çıxardı - VİDEO

Türkiyədə bir ata, birinci sinifdə oxuyan övladına dərs kitabında verilən sualın çətinliyinə sosial media vasitəsilə etiraz edib.

Sonxeber.az türk mediasına istinadən xəbər verir ki, sosial şəbəkələrdə sürətlə yayılan videoda ata, övladının dərs kitabındakı bir tapşırığı kameraya göstərərək belə deyib:

"1-ci sinif şagirdinə verdikləri suala baxın! Tapın görək cavabı nədir… Belə sual olar?" – deyə təəccüb və qəzəbini ifadə edib.

Atanın reaksiyası sosial şəbəkə istifadəçiləri arasında geniş müzakirələrə səbəb olub. Bəzi istifadəçilər sualın uşağın yaş səviyyəsinə uyğun olmadığını düşünərək ataya haqq verib, digərləri isə dərsliklərdə tənqidi düşüncəni inkişaf etdirmək məqsədilə bəzən belə sualların ola biləcəyini qeyd ediblər.

Mövzu ilə bağlı hələlik rəsmi açıqlama verilməsə də, müzakirələr bir daha məktəb dərsliklərindəki tapşırıqların uyğunluğu məsələsini gündəmə gətirib

Telegramda izləyin