Abşeronda baş verən güclü yanğın söndürülüb

Abşeron rayonu, Masazır qəsəbəsi ərazisində açıq sahədə baş vermiş yanğın Fövqəladə Hallar Nazirliyinin (FHN) Dövlət Yanğından Mühafizə Xidmətinin qüvvələri tərəfindən söndürülüb.

Sonxeber.az xəbər verir ki, bu barədə FHN-dən bildirilib.

Qeyd olunub ki, havanın küləkli olmasına baxmayaraq, yanğınsöndürənlər tərəfindən görülmüş zəruri və təxirəsalınmaz tədbirlər sayəsində yanğın ətraf ərazilərə, o cümlədən yaşayış evlərinə keçməsinə imkan verilmədən söndürülüb.

23:28
Abşeron rayonunda güclü yanğın başlayıb.

Oxu.Az-ın məlumatına görə, hadisə rayonun Masazır qəsəbəsi ərazisində qeydə alınıb.

Yanğın qısa müddətdə hektarlarla ərazini əhatə edib. Yanğın Saray və Novxanı qəsəbələrində yaşayış evlərinə yaxınlaşmaq üzrədir.

Əraziyə Fövqəladə Hallar Nazirliyinin canlı qüvvə və texnikaları cəlb edilib. Yanğının qarşısının alınması istiqamətində tədbirlər görülür. Yanğının yaşayış məntəqəsinə keçməməsi üçün səylər göstərilir.

Telegramda izləyin