Evdə saxlanılan aslan qadın və uşaqlara hücum etdi - VİDEO

Pakistanın Lahor şəhərində evdə bəslənilən 11 aylıq erkək aslan, qəfəsdən çıxaraq yolda gedən bir qadın və iki uşağa hücum edib. Hadisə təhlükəsizlik kamerası tərəfindən qeydə alınıb.

Sonxeber.az xəbər verir ki, aslan ilk olaraq qadını yerə yıxıb, daha sonra 5 və 7 yaşlı uşaqların ardınca qaçıb. Yaralanan şəxslər xəstəxanaya yerləşdirilib, həyati təhlükələri yoxdur.

Zərərçəkmiş uşaqların atası, hücum anında aslanın sahiblərinin hadisəyə sadəcə baxıb güldüklərini iddia edib.

Polis hadisədən sonra ev sahiblərini 12 saat ərzində saxlayıb, 3 nəfər həbs olunub. Aslana isə əl qoyularaq vəhşi təbiət parkına təhvil verilib.

Qeyd edək ki, Pakistanda xüsusilə varlı təbəqə arasında egzotik heyvan saxlamaq status göstəricisi sayılır. Lahorda aslan saxlamaq qanunidir, lakin xüsusi icazə və ciddi qaydalarla mümkündür.

Telegramda izləyin