Hava limanına icazəsiz daxil olan şəxs təyyarənin mühərrikinə düşərək həyatını itirdi

İtaliyanın Milan şəhərində yerləşən Orio al Serio Hava Limanında (Milan-Bergamo) inanılmaz hadisə baş verib.

Sonxeber.az xəbər verir ki, təxminən 35 yaşlarında olduğu bildirilən bir şəxs hava limanına icazəsiz daxil olduqdan sonra təyyarənin mühərrikinə düşərək faciəli şəkildə həyatını itirib.

Hadisə çərşənbə axşamı yerli saatla 10:20 radələrində baş verib. Volotea Hava Yollarına məxsus, İspaniyanın Asturiya şəhərinə uçuşa hazırlaşan Airbus A319 tipli təyyarə uçuş öncəsi hazırlıq mərhələsində idi. Həmin vaxt, şəxs avtomobili ilə hava limanına əks istiqamətdən daxil olub, maşını tərk edərək terminala doğru qaçmağa başlayıb.

Təhlükəsizlik xidmətini keçərək uçuş zolağına çıxan şəxsi, polis əməkdaşları bütün müdaxilələrə baxmayaraq dayandıra bilməyib. O, təyyarəyə tərəf qaçaraq mühərrikə çox yaxınlaşdıqda mühərrik tərəfindən içinə çəkilib və yerindəcə ölüb.

Telegramda izləyin