Duş kabinasında gizli çəkiliş qalmaqalı – Şübhəli ginekoloq çıxdı

Çanaqqalanın Eceabat rayonunda baş verən hadisə səhiyyə ictimaiyyətində ciddi narahatlıq yaradıb.

Sonxeber.az xəbər verir ki, meşə düşərgəsində duş kabinasında çimən bir qadın, gizli şəkildə görüntüləndiyini anlayaraq dərhal hüquq-mühafizə orqanlarına məlumat verib.

Edirne İl Sağlamlıq Müdirliyində pratisyen həkim kimi çalışan B.A. adlı qadının şikayəti əsasında hadisə yerinə gələn polis əməkdaşları araşdırma aparıb və qısa müddətdə şübhəlinin kimliyini müəyyənləşdirib.

Şok edən fakt ortaya çıxıb – qadını gizlicə çəkən şəxsin İstanbul Ümraniyə Təhsil və Araşdırma Xəstəxanasında qadın xəstəlikləri və doğum üzrə mütəxəssis olaraq çalışan 57 yaşlı M.M. olduğu məlum olub.

Polis tərəfindən saxlanılan həkimin mobil telefonunda aparılan texniki araşdırma zamanı yalnız həmin hadisəyə aid deyil, bir neçə başqa oxşar qeyri-qanuni görüntülərə də rast gəlinib. Görüntülərin hansı tarixdə və harada çəkildiyi araşdırılır.

Hadisə ilə bağlı hüquqi prosedurlar davam edir.

Telegramda izləyin