Yük maşını yoldan çıxaraq alışdı – Ata və oğlu yanaraq həyatını itirdi

Türkiyənin Hatay vilayətində baş verən ağır yol-nəqliyyat hadisəsi faciə ilə nəticələnib.

Sonxeber.az xəbər verir ki, sürücüsünün idarəetməni itirdiyi gübrə yüklü yük maşını yoldan çıxaraq aşıb və alışaraq yanmağa başlayıb. Nəticədə nəqliyyat vasitəsində olan ata – Necmettin Cengiz və onun 13 yaşlı oğlu Resul Cengiz həyatlarını itiriblər.

Ətrafdakı sakinlərin 112 Təcili Yardım Mərkəzinə məlumat verməsindən sonra əraziyə poolis, təcili tibbi yardım və yanğınsöndürmə briqadaları cəlb olunub.

Hadisə yerinə qısa müddətdə çatan yanğınsöndürənlər alova müdaxilə edərək nəqliyyat vasitəsindəki yanğını söndürüblər. Ata və oğlunun cənazələri tibbi ekspertiza üçün aidiyyəti qurumlara təhvil verilib.

Hadisə ilə bağlı araşdırma aparılır.

Telegramda izləyin