Başıboş inək evinin qarşısında dayanan yaşlı qadına hücum etdi - VİDEO

Hindistanın Uttar Pradeş ştatının Sambhal şəhərində baş verən hadisə görənləri dəhşətə salıb.

Sonxeber.az xəbər verir ki, evinin qarşısında oturan yaşlı qadın başıboş bir inəyin hücumuna məruz qalıb. Təhlükəsizlik kamerasına düşən görüntülərdə inəyin əvvəlcə qadına böyük sürətlə çırpıldığı, sonra onu havaya qaldıraraq yerə çırpdığı əks olunub. Aqressiv heyvan qadını yerə yıxdıqdan sonra bir müddət tapdalayıb və daha sonra ərazidən uzaqlaşıb.

Hadisədən sonra ətrafdakı insanların köməyi ilə xəstəxanaya aparılan qadının qolunda sınıqlar olduğu, bədəninin müxtəlif nahiyələrindən isə ciddi xəsarətlər aldığı bildirilib. Tibbi müdaxilə edilən qadının həyatının təhlükədə olmadığı qeyd olunub.

Sambhal şəhərində bu cür halların zaman-zaman təkrarlanması yerli sakinlər arasında narahatlıq doğurur. Küçələrdə başıboş gəzən iribuynuzlu heyvanların təhlükə yaratdığına diqqət çəkən sakinlər, məsələ ilə bağlı ciddi tədbirlərin görülməsini tələb edirlər.

Rəsmilər isə hadisə ilə bağlı araşdırmalara başlanıldığını və ictimai təhlükəsizliyi təmin etmək üçün daha sərt tədbirlərin görüləcəyini açıqlayıblar.

Telegramda izləyin