Ölən sevgilisini streç plyonkaya büküb 2 gün eyni evdə yaşadı

Çanaqqalada yaşayan Özbəkistan vətəndaşı Dinara Alya Urkasimovadan xəbər ala bilməyən yaxınları polisə müraciət edib.

Sonxeber.az xəbər verir ki, hadisə şəhərin Esenler məhəlləsində yerləşən Kocatepe küçəsindəki "Neydim" yaşayış kompleksində baş verib. Polis əməkdaşları binanın 5-ci mərtəbəsindəki mənzilə gedib və qapını qadının sevgilisi Metin K. açıb.

Polislər Dinara Alya Urkasimovanın harada olduğunu soruşduqda, Metin K. evdəki masaj otağını göstərib. Otağın qapısı açıldıqda isə polislər streç plyonkaya bükülmüş qadının meyiti ilə qarşılaşıblar. Hadisə yerinə çağırılan prokurorluq və kriminalistlər araşdırma aparıb. Qadının meyiti Çanaqqala Mehmet Akif Ersoy Dövlət Xəstəxanasının morquna aparılıb. Ölüm səbəbi məhkəmə-tibbi ekspertizadan sonra dəqiqləşəcək.

Hadisədən sonra saxlanılan Metin K. ilkin ifadəsində bunları deyib: "İki gün əvvəl gecə saat 02:00 radələrində birlikdə alkoqol qəbul etdik. Masaj etdiyi vaxt bir anda halı pisləşdi və nəfəsi kəsildi. Ürək masajı etdim, amma xilas edə bilmədim. Öldüyü üçün qorxdum, heç kimə xəbər vermədim. İki gün onun meyiti ilə eyni evdə qaldım. Mən onu öldürmədim".

Faktla bağlı istintaq davam edir.

Telegramda izləyin