Ağacının budağı insanların üstünə düşdü – Ölənlərin sayı 2-yə yüksəldi

Türkiyənin Kocaeli vilayətinin Gölcük rayonunda baş verən ağac qəzasında ikinci ölüm hadisəsi qeydə alınıb.

Sonxeber.az türk mediasına istinadən xəbər verir ki, hadisə 6 iyul Bazar günü, saat 14:30 radələrində Değirmendere Yalı Mahalləsində yerləşən Çınarlık Meydanında baş verib. Belə ki, çinar ağacının qopan budağı insanların üstünə düşüb. Hadisə nəticəsində 3 nəfər xəsarət alıb.

Yaralılardan biri – 59 yaşlı Erdem Ulak xəstəxanaya çatdırılsa da, orada həyatını itirib. 21 yaşlı Seda Karakol da həyatını itirib.

Qəzada ağır xəsarət alan və beli qırılan 21 yaşlı Seda Karakol isə Gölcük Necati Çelik Dövlət Xəstəxanasında əməliyyat olunub və bir müddət sonra evə buraxılıb. Lakin sonradan vəziyyəti pisləşən gənc qadın yenidən xəstəxanaya aparılıb. Həkimlərin göstərdiyi tibbi müdaxilələrə baxmayaraq, Seda Karakolun həyatını xilas etmək mümkün olmayıb.

Seda Karakolun nəşinin doğulduğu şəhər olan Giresunda dəfn ediləcəyi bildirilib.

Telegramda izləyin