20 yaşlı qız anasını 11 yerdən bıçaqladı

Türkiyənin Samsun şəhərində ailə içində baş verən dəhşətli hadisə ictimaiyyətdə şok təsiri yaradıb.

Sonxeber.az türk mediasına istinadən xəbər verir ki, hadisə İlkadım rayonunun Saitbey məhəlləsində yerləşən evdə baş verib. Belə ki, K.M. adlı 20 yaşlı qız ilə 61 yaşlı anası G.M. arasında mübahisə düşüb.

Sözlü mübahisə qısa müddətdə nəzarətdən çıxaraq fiziki zorakılığa çevrilib. Bu zaman K.M. əlindəki bıçaqla anasını 11 yerdən yaralayıb. Hadisə barədə məlumat alan polis və təcili tibbi yardım qrupları dərhal ünvana cəlb olunub.

Yaralı G.M. hadisə yerində ilkin tibbi müdaxilədən sonra xəstəxanaya aparılıb və müalicəyə alınıb.

Əvvəl inkar etdi, sonra etiraf

Polis hadisə ilə bağlı araşdırmalara başlayaraq K.M.-ni saxlayıb. Gənc qız ilkin ifadəsində anasını bıçaqladığını inkar etsə də, daha sonra cinayəti etiraf edib.

Ananın ifadəsi: "Qızım psixoloji problemlidir"

Polis tərəfindən aparılan araşdırmalar zamanı ana G.M., qızının psixoloji narahatlıqları olduğunu və zaman-zaman səbəbsiz yerə mübahisələr yaşadıqlarını bildirib.

Hadisə ilə bağlı istintaq davam edir.

Telegramda izləyin