Fiziki məhdudiyyətli qadına 5 kişi hücum etdi – Təkərlı arabası qırıldı, silahla təhdid olundu
Türkiyənin Erzurum şəhərində insanlığa sığmayan bir hadisə baş verib. Palandöken rayonunun Yıldızkent məhəlləsində yaşayan, 80% fiziki əlilliyi olan Esin Sarıaslan (48), səs-küy səbəbilə bir gün əvvəl polisə şikayət etdiyi üst qonşularının hücumuna məruz qalıb.
Sonxeber.az türk mediasına istinadən xəbər verir ki, hadisə 14 iyul axşamı baş verib. Erzurum Şəhər Xəstəxanasında çalışan Sarıaslan, anası ilə birlikdə yaşadığı binada dəfələrlə səs-küydən əziyyət çəkdiyini və nəhayət 13 iyul gecəsi polisə məlumat verdiyini bildirib.
Beş kişi tərəfindən döyüldü, şübhəlilər sərbəst buraxıldı
Polisin xəbərdarlığından sonra səs-küy dayanıb. Lakin ertəsi gün axşam saatlarında evinə qayıdarkən Sarıaslan, 5 nəfər kişi tərəfindən qarşısı kəsilərək sopalar və təpiklərlə döyülüb. Hücum zamanı təkərli arabası qırılıb, xüsusi donanımlı avtomobili ciddi zədələnib.
Zərərçəkən qadın hadisədən sonra darp hesabatı alaraq prokurorluğa şikayət edib. Lakin gözaltına alınan şübhəlilər ifadələrindən sonra sərbəst buraxılıb.
"Heç nə demədən üzərimə hücum etdilər"
Esin Sarıaslan hadisəni belə təsvir edib:
"Anam və qardaşımla parkda oturub çay içirdik. Gecə saat 23:00 radələrində evə qayıdarkən qarşıma 5 kişi çıxdı. Əllərində sopalar var idi. Heç nə demədən üstümə hücum etdilər. Qardaşım bizi qorumağa çalışanda onun da başını yardılar."
"Silah çəkib məni ölümlə təhdid etdilər"
Əlil qadın sözlərinə belə davam edib:
"Polis gəldi, amma müdaxilə etsələr də hücum davam etdi. Təkərlı arabam qırıldı. 100 min TL-lik avtomobilimə ciddi ziyan dəydi. Onlardan biri üzərimə silah çəkib məni ölümlə hədələdi. Sadəcə səs-küyə görə şikayət etdiyim üçün bütün bunlar baş verdi."
"Evə qapanmışam, qorxuram"
Psixoloji olaraq çətin günlər keçirdiyini deyən Sarıaslan, evdən çölə çıxmaqdan qorxduğunu bildirib:
"Mən fiziki əlil qadınam, məni bu hala salanlar isə sərbəst gəzir. Əlimdən heç nə gəlmir. Hücum edənlər barədə uzaqlaşdırma qərarı və mənim üçün qoruma tələbi verdim. Hüquqi prosesin sürətləndirilməsini istəyirəm."
Esin Sarıaslan həmçinin məsələ ilə bağlı CİMER (Prezident Administrasiyasının İctimaiyyətlə Əlaqələr Mərkəzi) və valiliyə rəsmi şikayət etdiyini də əlavə edib.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











ŞAD XƏBƏR - Bu tarixdən bütün növ əmək pensiyaları artacaq
Sahili olmayan cəmi bir dəniz var: Harda yerləşir?
Arif Babayevin məzarından GÖRÜNTÜ - VİDEO
Sabah leysan xarakterli yağış yağacaq - HAVA PROQNOZU
"Sədərək"də fəhlə bankomatdan sahibkarın pullarını oğurladı
Dəm qazının qurbanı olan 18 yaşlı Leylinin - Fotoları
Bu doğum tarixləri "qızıl illər" hesab olunur
Doğum evindən maraqlı addım - Foto
Ziya Məmmədovun səs-küylü tələbə yoldaşının oğlu - Yarım milyon mənimsəyib
Bakıda yeraltı keçiddə eskalator qırıldı - Xəsarət alanlar var
Röya: "Adımı çəkmədi, ondan umdum"
"Oğlum hələ uşaq idi, meyiti yox etməli idik..." - Tanınmış həkimin qızı
Sabah Bakıda leysan olacaq - Xəbərdarlıq
Gecə baş verən yanğında vəfat edən ana və azyaşlı övladlarının FOTOLARI